Сугалааны дугаар нь таарсан боловч системд бүртгэгдээгүй олон баримт байна

2016-04-13   894

Иргэдийн сүүлийн үед НӨАТ-ын баримтаар тухайн иргэний орлогыг тодорхойлно гэж ойлгоод байгаа. Тэгвэл энэ талаар ГТЕГ-ын Эрсэдлийн удирдлагын газрын дарга Д.Хүрэлчулуунаас дараах зүйлсийг тодрууллаа. 

-Энэ сараас эхлэн НӨАТ-ын буцаан олголтыг олгох шийдвэрийг Ерөнхий сайд гаргасан. Энэхүү ажил ямар шатандаа явж байгаа вэ?

Ерөнхий сайд Гааль, татварын ерөнхий газарт ажиллахдаа энэ сард НӨАТ-ын 1-р улиралын буцаан олголтыг олгох ажил зохион байгуулахыг Сангийн сайд, ГТЕГ-ын даргад тус тус үүрэг болгосон. НӨАТ-ын хуулийн 15 дугаар зүйлд албан татварыг буцаан олгох хэсэгт тухайн оны буцаан авах авалтыг дараа оны 1-р улиралд багтаан олгохоор тусгагдсан байгаа тул Засгийн газар УИХ-аар улиралд олгох хуулийн төсөл шинээр өргөн барьж батлагдсан нөхцөлд олгох боломжтой юм. ГТЕГ-аас бэлтгэл ажлыг бүрэн ханган ажиллаж байна.

-Иргэд буцаан олголтоо авахын тулд юуг анхаарах ёстой вэ?

Иргэд буцаан олголт авахдаа НӨАТ суутгагч ААН,хувь хүнээс авсан сугалааны дугаар, НӨАТ тооцогдсон баримтыг ebarimt.mn сайтад бүртгүүлсэн байх. Тухайн сайтад бүртгүүлж буй эрх дээр банкны нэр дансны дугаарыг зөв бөглөсөн байх. Тухайн баримтууд баталгаажсан буюу борлуулагч талаас системд ирүүлсэн, хүчингүй болгоогүй баримтуудад буцаан олголт тооцогдохыг анхаарах ёстой.

-Миний бүртгүүлсэн баримт сарын орлогоос давсан тохиолдолд орлогоо нотлох шаардлага бий болох уу. Эсвэл сарын орлогын хэмжээндээ тааруулж худалдан авалт хийх ёстой юм уу?

Тухайн иргэн, өрхийн хувьд эцсийн хэрэглээнд зориулан худалдан авсан баримтанд тооцогдох НӨАТ-ын буцаан олголтыг олгохоор заагдсан тул тухайн иргэний шивсэн баримтаар орлогыг нь тодорхойлохгүй. Тухайн иргэн гэр бүл, эмээ,өвөө, найз нөхөд гэх мэт дурын баримт оруулах бололцоотой тул баримт бүрийн зардал тухайн хүний орлогт хамаарахгүй юм. –

НӨАТ-ын хэмжээ өмнөх оны мөн үеийнхтэй харьцуулахад ямар түвшинд байгаа вэ?

НӨАТ-ы хувь хэмжээ шинэ хууль дээр өөрчлөлт ороогүй ба НӨАТ-ын тайлангаар ногдох татварын хэмжээнд огцом өөрчлөлт гараагүй байна.

-НӨАТ-ын хоёр хувийг буцаан олгох эх үүсвэр юу вэ. Нэмж урамшуулал олгох шаарлага  байна уу?

Урамшуулал олгох нь хуулиар зохицуулагдсан тул улсын төсөвт суулгасанаар урамшуулал олгох боломжтой болно.

-НӨАТ-ын сугалаанаас 400 сая төгрөгийг хожисон иргэн одоо хүртэл олдохгүй байна гэсэн мэдээлэл гараад байгаа. Тэгвэл иргэд сугалагаа бүртгүүлэхдээ юуг анхаарах ёстой юм бэ. Зарим зүйлийг дутуу орхисоноос болоод азтан болсон ч өөрийгөө мэдэхгүй яваад байна уу?

Иргэн хүн худалдан авсан сугалааны дугаар бүхий баримтаа системд илгээгээгүй хаясан нөхцөлд тухайн баримтанд таарсан сугалааны иргэн тодрохгүй байх боломжтой. Иргэн баримтаа системд бүртгүүлээгүй боловч сугалааны тохиролд таарч 90 хоногт багтаан бүртгүүлсэн тохиолдолд сугалааны хонжвороо авах боломжтой болох юм. Үүнийг иргэд маань сайтар анхаарах хэрэгтэй.

-Өнөөдрийн байдлаар тодорхой хэмжээний азтан болсон ч дээрх тохиолдол шиг өөрийгөө мэдэхгүй яваа хүмүүс байгаа болов уу?

Иргэн хүн худалдан авсан сугалааны дугаар бүхий баримтаа системд илгээгээгүй хаясан нөхцөлд тухайн баримтанд таарсан сугалааны иргэн тодрохгүй. Тиймээс та баримтаа системд бүртгүүлээгүй боловч сугалааны тохиролд таарсан бол 90 хоногт багтаан бүртгүүлэх хэрэгтэй. Тэгвэл журамд зааснаар 90 хоног хүлээнэ гэсэн үг. Сугалааны дугаар таарсан баримтуудаас өнөөдрийг хүртэл систремд бүртгэгдээгүй баримтууд байгаа. Үүнийг журмын дагуу 90 хоногт бүртгүүлсэн нөхцөлд хонжвор авах эрх үүсэх юм.  Сүүлийн үед иргэдийн баримт бүртгүүлэх идэвхи маш их сайжирч байна.



Сэтгэгдэл

Төстэй мэдээ
Д.Одонгоо: Ихэнх хүмүүс үсэнд амьгүй мэт хайхрамжгүй ханддаг
Х. Хандсүрэн: Охидуудыгаа бусдаас онцгой гэдгийг ойлгуулах нь их чухал
С.Батсүх: Еврей боловсролын нууц энгийн зүйлд оршдог
Д.Бямбадорж: Том болоод гал сөнөөгч л болно доо
ГССҮТ-ийн эмч нар Баянхонгорт очиж, нэгэн хүүгийн амийг аварлаа
Хүүхдээ дагуулсан аав
Зогсохыг мэддэггүй инээмсэглэсэн “бульдозер”
Д.Батбаяр: Эхнэрийнхээ санаачилсан ажилд тусална
Ш.Сүрэнжав: Малчны хүү сансарын мөнгөн дөрөөнд дөрөөлөн ийнхүү сансарт нислээ хэмээн шууд дамжуулж байлаа
Монгол цэргийн дүрэмт хувцас түүхийн явцад ингэж өөрчлөгджээ
Доктор Про: Стрессээс шалтгаалж архаг суулгалт өвчин үүсдэг
Судлаач С.Дамбий: Шинийн 1-нд туулай цагт босвол тэр жилдээ сүлд хийморьтой явна
“Докамед” эмнэлгийн захирал, эмч О.Доржханд: Монголчууд мах идээд архи уугаад байдаг нь тун аюултай.
Зурхайч Л.Тэрбиш: "Нүүр муут" хэмээх гал бичин жил эд малын гарлага үгүй, элдэв хилэнцээ арилгавал эрхэм сайн
“Ингэн тагш” ХХК-ы ерөнхий менежер Х.Бат-Ирээдүй: Шууд малчны гар дээрээс худалдан авч, ариутгал шинжилгээ өндөртэй бүтээгдэхүүнээ үйлдвэрлэдэг
Шинэ
Их уншсан
Олонлог академи нээгдлээБАНК ТАНД ТАТГАЛЗВАЛ ГЭНЭТИЙН МӨНГӨНИЙ ХЭРЭГЦЭЭГЭЭ ХЭРХЭН ШИЙДВЭРЛЭХ ВЭ?ЛУЙВАРЧИН М.АЛТАН-ОЧИРЫГ МЦХ-НЫ ГҮЙЦЭТГЭХ ЗАХИРЛААР ТОМИЛОХЫГ САНААРХАВРашаан сувилалуудын дэлгэрэнгүй мэдээлэл. Хувцсаа арчлах гайхалтай санаануудАяны багц хэдэн төгрөгт багтах вэЕВРО 2016 хөлбөмбөгийн АШТ-ий тоглолтын хуваарь УЛААНБААТАРЫН ЦАГААР"Юу ч хийхгүй байх нь" тэмцээн боллооСүлжмэл ороомог буюу охидын ҮСНИЙ ДОНЖТОЙ ЗАСАЛТНарнаас хамгаалах тосны талаар бидний мэдэхгүй зүйлсCNT: ЗААВАЛ АЯЛАХ ЁСТОЙ 20 ОРОН (1-Р ХЭСЭГ)Жингээ барихыг хүсч байгаа эмэгтэйчүүд цагаан дарсыг сонгооройӨнөөдрийн зурхайЗӨВЛӨГӨӨ: Өглөөний цайнд хэрэглэвэл зохих хүнсӨнөөдөр болох үйл явдлуудЭнэ сарын 11-нээс зуслан чиглэлд нийтийн тээврээр үйлчилнэЭнэ сарын 11-нээс зуслан чиглэлд нийтийн тээврээр үйлчилнэСонгуулийн зардалЗуны амралтаа ЗУГААТАЙ өнгөрүүлэх ГАЙХАЛТАЙ 15 САНАА“Говь” 2021 онд НООЛУУРАН ПАЛЬТОНЫ үйлдвэрлэлээр дэлхийд тэргүүлэгч болно
Twitter
Статистик
Та манай 908,514 -р зочин
Нийт мэдээ: 1,012
Холбогдсон: 1