Найз нөхрийн харилцаа нь өвчин намдаах онцгой нөлөөтэй

2016-05-02   745

Найз нөхрийн харилцаа нь аз жаргалын нэг чухал хүчин зүйл гэдэг. Түүнээс гадна биеийн болон сэтгэцийн эрүүл мэндэд тустай, амьдралыг уртасгах нөлөөтэй гэдэг. Тэгвэл өнгөрсөн долоо хоногт нийтлэгдсэн судалгааны тайланд дурдсанаар найз нөхрийн харилцаа нь өвчин намдаах онцгой нөлөөтэйг тогтоожээ. Оксфордын Их сургуулийн судлаачдын гаргасан дүгнэлтээр найз нартайгаа цагийг өнгөрөөх нь эндорфин хэмээх бодисын ялгарлыг нэмэгдүүлж тэр нь сэтгэл зүйд эерэг нөлөө үзүүлдгийг баталсан байна. “Эндорфин бол морфиноос ч хүчтэй өвчин намдаагч юм” гэж судалгааны багийн гишүүн Катерина Жонсон хэлжээ.

“Scientific Reports” сэтгүүлд туршилтын дүнгээ нийтлүүлсэн тэд 101 эрүүл насанд хүрсэн хүнийг сайн дурын үндсэн дээр туршилтанд оруулсан гэнэ. Ингэхдээ тэднийг хананд нуруугаараа наалдан өвдгөө 90 хэмийн өнцгөөр барьж суугаад аль болох удаан тэвчихийг хүссэн байна. Үүнээс өмнө туршилтанд оролцогсдыг тусгай хүснэгтэд өөрийн хамгийн ойр харилцдаг найз нарын хүрээг бичиж бөглөхийг хүсчээ. Гэтэл хамгийн олон найз нарын хүрээтэй, тэдэнтэйгээ ойрхон уулзалддаг хүмүүс нь хамгийн удаан тэвчиж чадсан гэнэ. Үр дүнд нь олон найзтай байх тусам хүний эндорфиний түвшин өндөр буюу байгалийн өвчин намдаагчаар баялаг байдгийг баталжээ. Судлаачид өөрсдийн судалгааны хүрээг яг эндорфиний түвшнийг хэмжилгүй, зөвхөн тэвчээрийн үзүүлэлтээр хийснийг хүлээн зөвшөөрч цааш нь гүнзгийрүүлж судлах шаардлагатай гэсэн байна. Ялангуяа сошиал ертөнц өндөр хөгжсөн өнөөгийн нийгэмд энэ талын судалгаа чухал хэрэгтэй болохыг Жонсон ярьжээ.

 



Сэтгэгдэл

Шинэ
Их уншсан
Таван толгойн IPO-гоос татгалзаж болохгүй шалтгаанууд “COVID-19 -ийн тухай мэдээлэл өгөх Чатбот ажиллаж эхэллээ Гараа савандаж сайтар угаах нь коронавирус болон олон төрлийн халдварт өвчнөөс сэргийлнэОлонлог академи нээгдлээБАНК ТАНД ТАТГАЛЗВАЛ ГЭНЭТИЙН МӨНГӨНИЙ ХЭРЭГЦЭЭГЭЭ ХЭРХЭН ШИЙДВЭРЛЭХ ВЭ?ЛУЙВАРЧИН М.АЛТАН-ОЧИРЫГ МЦХ-НЫ ГҮЙЦЭТГЭХ ЗАХИРЛААР ТОМИЛОХЫГ САНААРХАВРашаан сувилалуудын дэлгэрэнгүй мэдээлэл. Хувцсаа арчлах гайхалтай санаануудАяны багц хэдэн төгрөгт багтах вэЕВРО 2016 хөлбөмбөгийн АШТ-ий тоглолтын хуваарь УЛААНБААТАРЫН ЦАГААР"Юу ч хийхгүй байх нь" тэмцээн боллооСүлжмэл ороомог буюу охидын ҮСНИЙ ДОНЖТОЙ ЗАСАЛТНарнаас хамгаалах тосны талаар бидний мэдэхгүй зүйлсЖингээ барихыг хүсч байгаа эмэгтэйчүүд цагаан дарсыг сонгооройӨнөөдрийн зурхайЗӨВЛӨГӨӨ: Өглөөний цайнд хэрэглэвэл зохих хүнсЭнэ сарын 11-нээс зуслан чиглэлд нийтийн тээврээр үйлчилнэЭнэ сарын 11-нээс зуслан чиглэлд нийтийн тээврээр үйлчилнэЗуны амралтаа ЗУГААТАЙ өнгөрүүлэх ГАЙХАЛТАЙ 15 САНАА“Говь” 2021 онд НООЛУУРАН ПАЛЬТОНЫ үйлдвэрлэлээр дэлхийд тэргүүлэгч болно
Twitter
Статистик
Та манай 947,297 -р зочин
Нийт мэдээ: 1,008
Холбогдсон: 1