ЛУЙВАРЧИН М.АЛТАН-ОЧИРЫГ МЦХ-НЫ ГҮЙЦЭТГЭХ ЗАХИРЛААР ТОМИЛОХЫГ САНААРХАВ

2016-10-05  

“Монголын цахилгаан холбоо” ХК-ийн Холболтын байгууламжийн ашиглалтын газрын даргаар ажиллаж байсан М. Алтан-Очир төрийн өмчит компаниас хэрхэн мөнгө унагаж болдгийн жишээг үзүүлжээ. МЦХ, Францын Алкатель компанийн хооронд гэрээ байгуулан Монгол Улсад тоон систем, шилэн кабель нэвтрүүлэх ажлыг гүйцэтгэх болсон байна. Гэтэл Төрийн өмчийн компаниар ажил үйлчилгээг нь хийлгэчихээд хувийн компани болон өөрийн дансандаа албан тушаалаа ашиглан ажлын хөлсийг нь шилжүүлэн авдаг байжээ. М.Алтан-Очир шилэн кабелыг холбох шугамын ажилд инженерээр оролцож байгаад Монголын цахилгаан холбоо компанийн Холболтын байгууламжийн ашиглалтын газрын даргын албан тушаалд очоод л төрийн хөрөнгөөр туйлжээ.

Тэрээр Алкатель компаниас 2001 оны аравдугаар сарын 17-нд МЦХ компани М. Алтан-Очирт гээд түүний 00011218... тоот  хувийн дансанд 10,553$ доллар, 2002 оны зургадугаа сарын 22-нд 3,574$, 2002 оны аравдугаар сарын 14-нд 00011220...тоот дансанд 5,853$, 2002 оны аравдугаар сарын 14-нд 5,730$ гэх мэтчилэн үйлчилгээний зардлын 25 хувийг өөрийн дансаар Монголын цахилгаан холбооны нэрийг ашиглан хувьдаа завшиж байжээ. Ийнхүү олон үйлдлээр хувьдаа мөнгө завшсаар аргаа улам нарийсган “Юнителком” хэмээх хувийнхаа компанийн 00011122 096 дансанд  МЦХ гэсэн нэрийг оруулан 50,000$, 40,000 евро буюу монгол мөнгөөр бодвол 170 орчим сая төгрөгийг Алкатель компаниас шилжүүлэн авчээ. Албан тушаалаа ашиглан Төрийн өмчит компаниар ажил үйлчилгээ хийлгээд хувьдаа их хэмжээний мөнгө завшдаг байсан нь цагаан дээр хараар бичигдсэн баримттай байна. Мөн 2000 оноос үүрэн телефоны Скайтель компанийн 20 хувийг эзэмшиж эхэлжээ. Энэ ч ялгаагүй албан тушаалтай нь холбоотой. Үүгээр зогсохгүй 2005 оны 5 сарын 2-нд Нийслэлийн газрын албанд газар эзэмших эрх шилжүүлэн авах тухай гэсэн 2 албан бичиг хүргүүлсэн байгаа юм. Нэг нь “Монголын цахилгаан холбоо” ХК, нөгөө нь Алтан-Очирын хувийн компаниас очиж.

Тус албан бичигт Манай компани нь “МЦХ” компанийн Холболтын байгууламжын ашиглалтын газрын Чингэлтэй дүүргийн 1-р хорооны нутаг дэвсгэрт Нийслэлийн засаг даргын 2004 оны 285 тоот газар эзэмших эрхийн дагуу баригдахаар төлөвлөгдсөн конторын барилгад хөрөнгө оруулалт хийх шийдвэр гаргасан юм. Иймээс ХБАГазрын Чингэлтэй дүүргийн нэгдүгээр хорооны нутаг дэвсгэрт өөрийн эдлэн газарт байршуулан конторын барилга барихаар Нийслэлийн засаг даргын захирамжийн дагуу эзэмшдэг 0,048 га газрын эрхийг манай талд шилжүүлэн өгнө үү гэсэн байх юм. Гэтэл барилга барих хөрөнгийн эх үүсвэргүй байгаа тул конторын барилга барихад зориулж  0,048 га газрыг эзэмших эрхийг “Юнителком” ХХК-д шилжүүлэн өгөх тухай хүсэлтийг Нийслэлийн газрын албанд байгууллагын нэрээр буюу албан тушаалаа ашиглан  дарга М. Алтан-Очир гэсэн албан бичиг хүргүүлж өөрийн төрсөн дүү М.Амарсайханы нэр дээр байсан “Юнителком” компанид уг газрыг шилжүүлж өгч чаджээ.  

Ийнхүү нийлүүлж буй бараа материал, техник хэрэгсэл, бусад үүрэн телефоны компанид хувь эзэмшиж идэж уухаа урьтал болгоогүй зөв менежменттэйгээр ажилласан бол “Монголын цахилгаан холбоо” ХК 2004-2008 онд хэрэглэгчийнхээ 15 хувийг алдахгүй байх боломж тэдэнд байсан. Өмнөх удирдлагын олон жил бугшсан зүй зохисгүй ажиллагаа, буруу менежментийн зах зух ийнхүү илэрч Монголын цахилгаан холбоо төрийн өмчит компанийн үйл ажиллагаанд саад тотгор учруулж байна.



Сэтгэгдэл

Шинэ
Их уншсан
Улсын онцгой комисс өргөтгөсөн хурал хийлээНээлттэй өгөгдлийн нэгдсэн портал ашиглалтад орлооҮндэсний өв соёл, түүх, уламжлалыг илэрхийлсэн шилдэг бүтээлийн хоёрдахь уралдааныг зарлаж байнаБайгалийн хийн хоолой барих төслийн талаар санал солилцовУ.Хүрэлсүх: Хүүхэд бүрт сар бүр 100 мянган төгрөг олгоноМонгол Улсын Засгийн газар дөрвөн төрлийн иргэнд илүү анхаарал халамжаа хандуулнаУ.Хүрэлсүх: УХТЭ, Мөнхийн тун үйлдвэрүүд өгсөн үүргийг сайн биелүүлсэн байнаДадал-Баян-Адарга сумыг холбох Онон голын гүүр ирэх сард ашиглалтад орноБатноровыг жишиг сум болгож хөгжүүлнэЭдийн засаг, нийгмийг 2021 онд хөгжүүлэх үндсэн чиглэлийн төслийг өргөн барина“Бор-Өндөр” УБҮ-ийг төрийн өмчит хэлбэрээр ажиллуулах нь ашигтай гэж Засгийн газар үзэж байнаУ.Хүрэлсүх: Сайжруулсан түлшийг экспортод гаргахыг ч үгүйсгэхгүй“Таван толгойн цахилгаан станц”-ыг төрийн өмчийн хөрөнгөөр барина“Чингис хаан” музейн Эрдэмтдийн зөвлөлийг байгуулавУсны газар байгуулавУ.Хүрэлсүхийн айлчлалаар яригдсан асуудал ажил хэрэг боллооУ.Хүрэлсүх: Зургаан сарын хугацаанд ААН-ийн НДШ-ийг тэглэлээЗГ: ЖДҮХС-гаас зээл олгох журмыг шинэчлэвД.Сумъяабазар: Ирэх сарын 15-н гэхэд шатахуун 200 төгрөгөөр буурнаНоолуур бэлтгэлд 300 тэрбум төгрөгийн эх үүсвэр гаргана
Twitter
Статистик
Та манай 976,190 -р зочин
Нийт мэдээ: 1,044
Холбогдсон: 1