“COVID-19 -ийн тухай мэдээлэл өгөх Чатбот ажиллаж эхэллээ

Монгол Улсад “COVID-19” халдварын   тохиолдол бүртгэгдээд тун удаагүй энэ үед иргэн бүр сонор сэрэмж, хувийн эрүүл ахуй болон хариуцлагаа улам өндөржүүлэх нь чухал байна. Эрүүл мэндийн яам, Халдварт өвчин судлалын үндэсний төв, НҮБ-ын Хүүхдийн Сан, “Чатбот” ХХК хамтран олон нийтэд коронавирусийн халдвар (COVID-19)-ын тухай үнэн зөв мэдээлэл өгөх, түгээмэл асуултад хариулах зорилготой Чатбот буюу автомат хариулагч программ ажиллуулж эхэллээ. Коронавируст халдвар (COVID-19)-ын шинж тэмдэг, урьдчилан сэргийлэлт, хамгаалал, мөн сүүлийн үеийн мэдээ, мэдээллийг баталгаатай эх үүсвэрээс авахыг хүсвэл Facebook дээрх “UNICEF Mongolia” буюу НҮБ-ын Хүүхдийн Сангийн хуудсаар зочилж, мессенжерт энэхүү линкээр хандаарай.

http://m.me/unicefmongolia    

Энэхүү Чатбот нь өдөр бүр шинэчлэгдэж явах ба тун удахгүй Эрүүл мэндийн яам, ХӨСҮТ зэрэг байгууллагын Facebook хуудаснууд дээр тавигдах болно. Иргэд, олон нийтийг зөвхөн баталгаат эх үүсвэрээс авсан мэдээллийг цааш нь түгээж, өөрсдийн болон бусдын эрүүл мэндийг хамгаалахыг уриалж байна. https://chatbot.mn