Үсээ будахдаа та арьс болон нүднийхээ өнгөнд тохируулаарай

Үсээ будахдаа та өөрийнхөө арьс болон нүднийхээ өнгөнд тохирсон өнгийг сонговол таны царай улам илүү тодорч гэрэлтэж харагдах болно. 

1. Үсний өнгийг сонгоход арьсны өнгө нэн чухал.
Хүний арьс бор, цагаан, шар гэж хуваагдахаас гадна хүйтэн, дулаан гэсэн төрөлд мөн хуваагддаг байна. Арьсныхаа хүйтэн дулаан аль нь болохыг мэдсэнээр та ямар өнгөөр үсээ будах вэ гэдгээ сонгох хэрэгтэй юм. Үүнийг тодорхойлохын тулд та бугуйныхаа судсыг сайн ажиглаарай. 
- Хэрэв таны судаснууд үзмэн ягаан, хөх өнгөтэй бол ХҮЙТЭН
- Харин хар ногоон буюу  хөх, ногоон байвал ДУЛААН төрлийн арьстай гэсэн үг. 
Хүйтэн арьстай бол – Шаргал, бор, хар буюу үнсэн саарал суурьтай өнгийг сонговол илүү зохимжтой. Хэрэв та ийм төрлийн туяатай арьстай бол алтлаг өнгөнүүдээс зайлсхийж, завсрын болон үнсэн өнгөнүүдээр будах хэрэгтэй. Учир нь алтлаг өнгөнүүд таны арьсны ягаан туяаг улам тодотгодог байна. 

Дулаан арьстай бол – Улаан, Бор, Хар, Гүзээлгэний шаргал буюу шар болон улаан суурьтай өөрөөр хэлбэл алтлаг дулаан өнгийн үс зохимжтой.

2. Нүдний өнгөндөө тааруулж үсний өнгөө сонгож болно. 
Цэнхэр нүд – Цайвар шаргал,улбар, улаан, бор
Ногоон нүд – Шаргал, улбар, улаан, бор
Цайвар бор нүд – Улбар, улаан, бор, 
Бараан бор нүд – Улаан, бор, харийн төрлийн өнгөнүүд зохимжтой.