2016.03.31 буюу өнөөдөр болох үйл явдлууд

Өнөөдөр болох үйл явдлын тоймыг хүргэе.

09.00 цагт

Сонгуулийн байгууллагад ажиллах ажилтнуудад зориулсан сургалт нийслэлийн иргэний танхимд болно.

10.00 цагт

Хүний эрхийн Үндэсний Комиссоос УИХ-д Хүний эрх, эрх чөлөөний байдлын талаарх 15 дахь илтгэлээ өргөн барьсантай холбогдуулан хэвлэлийн бага хурал зарлалаа. Хурал Хүний эрхийн Үндэсний 514 тоот танхимд болно.

11.00 цагт

Хэвлэлийн Хүрээлэнд "Ирвэс хамгаалах сан", "АСК" , "Ногоон сэтгүүлч" байгууллагаас Тостын нурууг Улсын тусгай хамгаалалтад авахтай холбоотой асуудлаар хэвлэлийн хурал зарлалаа.

12.00 цагт

АСЕМ-д оролцох зочид төлөөлөгчдийг хамгийн түрүүнд Чингис хаан олон улсын нисэх буудал Монгол Улсынхаа нүүр царайг илтгэн угтаж авна. Тиймээс Чингис хаан ОУНБ-д АСЕМ-ийн бэлтгэл ажил ямар байгаа талаар МОНЦАМЭ-гийн хэвлэлийн хурлын танхимд мэдээлэл хийнэ.

13.00 цагт

Монгол Хайкин клубын үүсгэн байгуулагч, ерөнхийлөгч, уулын спортын ОУ-ын хэмжээний мастер Л.Баярсайхан эмч Лувсандоржийн Баярсайханы “8000-тай хоёр оргилд авирсан тэмдэглэл” номын нээлт  Интерномын хоёр давхарт болно.

Зууны мэдээ сонины Үндэсний мэдээллийн төвд

11.30 цагт
Ботаникийн цэцэрлэгт хүрээлэнг устгаж хууль бусаар барилга барьж байгаа асуудлаар төрийн бус байгууллагууд шуурхай хурал зарлалаа.

12.00 цагт

"218.1" хөдөлгөөнөөс МҮХАҮТ, Ажил олгогч эздийн холбоотой хамтран төгрөгийн ханш буюу Иргэний хуулийн 218.1 дүгээр заалтын биелэлтийн талаар мэдээлэл хийнэ.