Монголын анхны “Нандин” хуримын гэрэл зургийн үзэсгэлэн

Гэрэл зурагчин С.Сайнжаргал нь хүн бүрийн амьдралынх нь хамгийн мартагдашгүй, жаргалтай үе буюу хосуудын хуримын дахин давтагдашгүй гайхалтай мөчүүдийг гэрэл зургийн хальснаа буулгасан өөрийн уран бүтээлээрээ энэ сарын 26-наас 31-ний өдрүүдэд Blue Moon Art Gallery-д фото үзэсгэлэнгээ гаргах гэж байна. Тус үзэсгэлэн нь урьд өмнө нь монголд тавигдаж байгаагүй болон чөлөөт уулзалтууд тус өдрүүдэд болно гэдгээрээ илүү онцлог юм.

Тус үзэсгэлэнд ирснээр та хосуудын хуримын гайхалтай зурагнуудаас сонирхож, өөрийн нандин үеээ ханийнхаа хамтаар эргэн дурсаж, аль эсвэл хуримаа хийхээр төлөвлөсөн хосууд хуримын зургаа хэрхэн авахуулах санааг ч мөн “Нандин” үзэсгэлэнгээс авч болох юм. Энэхүү үзэсгэлэн нь үнэ төлбөргүй тул хүссэн хүн бүр очиж сонирхох боломжтой ба хуримын гэрэл зураг сонирхогч залууст зориулсан чөлөөт уулзалт, хэлэлцүүлэг болох тул зайлшгүй очиж үзэх хэрэгтэй үзэсгэлэнгүүдийн нэг нь байж болох юм.  

ХӨТӨЛБӨР

5/26-нд 18.30 – Нээлтийн үйл ажиллагаа

5/28,29-нд 11.00 – 20.00 цагийн хооронд хосуудад зориулсан уулзалт
5/30-нд 14.00 – Хуримын гэрэл зураг сонирхогчдод зориулсан чөлөөт уулзалт /хэлэлцүүлэг/

 5/31-нд 12.00 – Хаалтын ажиллагаа  

Илүү дэлгэрэнгүйг:  https://www.facebook.com/events/1534831273479315/

Хайрын НАНДИН мөчүүдээр хамтдаа аялцгаая!!!