Импортыг орлох шилдэг бүтээгдэхүүнээр NOMUDA бренд шалгарлаа

МҮХАҮТ-н байгуулагдсны 60 жилийн ойн баярыг тохиолдуулан 45 дахь жилдээ зохион байгуулагдсан  “Улаанбаатар Түншлэл-2020“ Олон улсын үзэсгэлэн өнгөрөгч 09.24-27н өдрүүдэд амжилттай зохион байгуулагдаж, энэ жилийн ИМПОРТЫГ ОРЛОХ ШИЛДЭГ БҮТЭЭГДЭХҮҮН шагналын эзнээр  үндэсний үйлдвэрлэгч NOMUDA HOME  бренд тодорсон байна.

Жил гаруйн өмнө нээлтээ хийж байсан Nomuda Home  бренд нь 20 гаруй шинэ ажлын байр бий болгож, солонгос улсаас тусгайлан захиалсан , сайн чанарын даавуугаар орчин цагийн загвар шийдлээр гэр ахуйн 60 гаруй нэр төрлийн даавуун бүтээгдэхүүнүүдийг дотооддоо үйлдвэрлэж,  3 салбар дэлгүүрээр дамжуулан хэрэглэгчиддээ хүргэж байна. Олон төрлийн хөшиг, тюль, ор хөнжлийн даавуунууд, бүтээлэг, дэр, аяны хөнжил, майхан гээд тус брендийнхний зүгээс хэрэглэгчидийн сонирхол, хүссэн хэмжээнд  нь тохируулан нэг  ширхэгийг ч үйлдвэрлэн өгдөг нь хэрэглэгчидийн талархалыг хэдийн хүлээгээд байгаа аж.

Орчин цагийн ухаалаг эзэгтэй, ээж нар, завгүй амьдралын хэмнэлтэй залуу гэр бүлүүдийн хувьд зөвхөн өөрсдийн хүссэн орчинг бүрдүүлэхэд шаардлагатай сайн чанарын даавуун бүтээгдэхүүнийг эх орондоо захиалган бүтээлгэх бүрэн боломжийг олгосон учраас  Nomuda Home брендийн хэрэглэгчдийн тоо өдрөөс өдөрт нэмэгдсээр байна.

Хэрэглэгчидийн дунд хийсэн судалгаа, санал хүсэлт дээрээ тулгуурлан сар бүр бүтээгдэхүүний нэр төрлөө нэмэгдүүлж, байнгын хэрэглэгчиддээ бэлэг , урамшуулал өгдөг , Инээмсэглэлийг урлана уриатай, үндэсний үйлдвэрлэгч Nomuda Home  брендийн хамт олонд улам их амжилтыг хүсье