2025 оны Ерөнхийлөгчийн сонгуулийн хамгийн чухал, шийдвэрлэх үе шат эхэллээ. Тавдугаар сарын 28-наас эхлэн санал хураалт дуусах хүртэлх долоо хоногийн хугацаанд олон нийтийн санал асуулгын үр дүн нийтлэхийг хуульчлан хориглосон “블랙아웃” буюу блэк-аут үе хэрэгжиж эхэлсэн байна. Энэ хугацаанд сонгогчдын сэтгэл зүйд шинэ мэдээллээр нөлөөлөхийг хязгаарласнаар сонгуулийн эцсийн үр дүнг урьдчилан таамаглахад илүү төвөгтэй болдог. Гэхдээ өмнөх сонгуулиудын жишгээс харахад, блэк-аутын өмнөх хамгийн сүүлчийн санал асуулгад тэргүүлж байсан нэр дэвшигч ялах магадлал өндөр байсан нь анхаарал татаж байна.

2025 оны сүүлчийн санал асуулга (5/20–22, Gallup Korea):

• Ли Жэ Мён — 45%

• Ким Мүн Су — 36%

Зөрүү 9 хувьтай байгаа ч өмнөхөөс эрс ойртсон нь тэмдэглэлтэй:

• 5 сарын 3-ны долоо хоногт зөрүү 22% байсан бол

• 5 сарын 4-ний долоо хоногт 9% болж буурсан байна.

Ли Жэ Мён нэр дэвшигч намынхаа рейтингээс 4–5% илүү рейтингтэй байгаа нь түүнийг тогтвортой давуу байдалтай болгож байна. Харин Ким Мүн Су зөвхөн намынхаа рейтингтэй тэнцүү түвшинд байгаагаас өсөх боломж нь хязгаарлагдмал хэмээн ажиглагчид дүгнэж байгаа юм. 

Энэ удаагийн сонгууль нь зүгээр нэг Ерөнхийлөгчийн сонголтоос илүү, “бүслэлт дэглэмийн цуцлалт” ба “үндсэн хуульд үнэнч байдал” гэсэн хоёр туйлын үзэл санааны тэмцэл гэж олон иргэд харж байна.

Сонгуулийн эцсийн мөч ойртож, олон нийт анхаарлаа төвлөрүүлж буй энэ үед сүүлчийн санал асуулгын үр дүн, нэр дэвшигчдийн давуу тал шийдвэрлэх үүрэг гүйцэтгэх эсэх нь тун удахгүй тодорхой болох нь.