АНУ-ын долларын ханш огцом буурснаар санхүүгийн зах зээлд сандрал бий болж, долларын дэлхийн ноёрхол төгсөж болзошгүй гэх таамаглалуудыг дэвшүүлж байна.

"ICE U.S. Dollar Index (DXY)" буюу долларын үнэлгээг өрсөлдөгч валютуудын багцтай харьцуулсан голлох индекс дөрөвдүгээр сарын 21 -ны өдөр  1%-иар буурч, сүүлийн гурван жилд байгаагүй доод түвшинд хүрсэн байна. Долларын давамгайлал түр хугацаанд суларч болох ч, дэлхийн зах зээлд нөлөөлөх хэмжээнд өөрчлөгдөхөд цаг хугацаа шаардагдана.

Долларын сулрал нь АНУ-ын хувьцаа болон бондын зах зээлд богино хугацаанд дарамт үзүүлж, хөрөнгө оруулагчдын итгэлийг бууруулах эрсдэлтэй хэмээн шинжээчид анхааруулж байна.