Бейсболын цэнгэлдэх хүрээлэнтэй болно

Сонгинохайрхан дүүргийн тавдугаар хорооны нутаг дэвсгэр дэх Хүүхэд, залуучуудын театрын арын 1.5 га талбайг чөлөөлж, бейсболын цэнгэлдэх хүрээлэн барихаар төлөвлөжээ.

Уг байршилд нийслэлийн Засаг дарга бөгөөд Улаанбаатар хотын Захирагч Х.Нямбаатар болон холбогдох албаныхан ажиллалаа. Энэ үеэр хотын дарга Х.Нямбаатар, “Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуульд нийцүүлэн уг хороонд бейсболын цэнгэлдэх хүрээлэн барих нээлттэй тендерийг зарлах бэлтгэл ажлыг хангасан” гэв.

Гүйцэтгэгч сонгон шалгарсан тохиолдолд тус дүүргийн ЗДТГ захиалагчийн хяналт тавих аж.