Монголбанкны Ерөнхийлөгч Б.Лхагвасүрэнгийн бүрэн эрхийн хугацаа дууссантай холбоотойгоор түүний оронд "Эрдэнэс Монгол" ХХК-ийн гүйцэтгэх захирал С.Наранцогтыг томилуулахаар нэр дэвшүүлсэн. Тэгвэл Эдийн засгийн байнгын хороо маргааш буюу 2025 оны 12 дугаар сарын 16-ны өдрийн 10.00 цагт Төрийн ордны “Жанжин Д.Сүхбаатар” танхимд хуралдаж, Монголбанкны Ерөнхийлөгчийн албан тушаалд нэр дэвшигчтэй хийх нэр дэвшигчийн сонсголыг зохион байгуулна.

САНЖААГИЙН НАРАНЦОГТЫН ТОВЧ НАМТАР:

Боловсрол:

1980-1988 онд Дундговь аймгийн төвийн 10 жилийн 1 дүгээр сургууль

1988-1990 онд МУИС-ийн гүнзгий лицей дунд сургууль

1994 онд МУИС-ийн Физик математикийн сургуулийг физикч математикч мэргэжлээр бакалавр

1999-2001 онд МУИС-ийн ийн Физик, математикийн сургуулийг магистрын зэрэгтэй төгссөн

2008 онд БНСУ-ын Сөүлийн Үндэсний их сургуульд инженер-эдийн засаг мэргэжлээр доктор /Ph.D/-ын зэрэг хамгаалсан.

Ажлын туршлага:

1993-1994 онд Шинжлэх ухааны академийн Математикийн хүрээлэнд туслах-эрдэм шинжилгээний ажилтан

1994-1997 онд Шинжлэх ухаан мэдээллийн төвд инженер, ахлах инженер

1997-2000 онд Монголын нээлттэй нийгэм хүрээлэнд хөтөлбөрийн зохицуулагч

2000-2003 онд Батлах хамгаалах яам, зөвлөх

2003-2005 онд Сангийн яаманд мэргэжилтэн, хэлтсийн дарга

2005-2008 онд БНСУ, Сөүлийн Үндэсний их сургуульд докторант

2008-2012 онд БСШУЯ-нд газрын дарга

2012-2015 онд Хөдөлмөрийн яаманд газрын дарга

2015-2018 онд Сангийн яаманд газрын дарга

2018-2022 Сангийн яаманд Төрийн нарийн бичгийн дарга

2022 оноос Эдийн засаг, хөгжлийн Дэд сайд

2022 оны 11 дүгээр сараас хойш "Эрдэнэс Монгол"-ын Гүйцэтгэх захирал

Мэргэжил дээшлүүлсэн байдал:

2013 онд АНУ, Харвардын их сургуульд Төрийн санхүүгийн удирдлага

2014 онд АНУ, Жон Кеннедийн их сургуульд Засаглалын шинэчлэл

2015 онд БНСУ, Сөүлийн их сургуульд Орлогын статистик

2019 онд Сингапур улс, Төрийн санхүүгийн удирдлага

2019 онд Улаанбаатар хот, Удирдлагын академи, Тэргүүн түшмэлийн мэргэшүүлэх багц сургалтад тус тус хамрагдсан байна.

Дэлгэрүүлэн судалж үзвэл:

С.Наранцогт [Макро эдийн засагч | Төрийн бодлого, санхүүгийн удирдлагын эксперт

ТОВЧ ТАНИЛЦУУЛГА Макро эдийн засгийн бодлого, төсвийн шинэчлэл, банк санхүүгийн салбарын удирдлага, төрийн өмчит томоохон корпорацийн засаглалын чиглэлээр мэргэшсэн удирдах ажилтан. Төсвийн сахилга батыг сайжруулах, гадаад валютын нөөцийг нэмэгдүүлэх, үндэсний баялгийн санг хөгжүүлэх болон банкны салбарын эрсдэлийн удирдлагыг бэхжүүлэх зэрэг үндэсний хэмжээний томоохон реформуудыг амжилттай удирдсан туршлагатай.

АЖЛЫН ТУРШЛАГА

"ЭРДЭНЭС МОНГОЛ" НЭГДЭЛ Гүйцэтгэх захирал 2022.11 -  

Монгол Улсын стратегийн орд газруудыг эзэмшдэг, уул уурхай, дэд бүтцийн нэгдлийг удирдаж, засаглал болон санхүүгийн бүтцийн өөрчлөлтийг гардан хэрэгжүүлж байна.

• Санхүүгийн эрүүлжүүлэлт: Нэгдлийн хэмжээнд санхүүгийн сахилга батыг тогтоож, толгой компанид хуримтлагдсан 514.0 тэрбум төгрөгийн өр төлбөрийг бүрэн барагдуулж, санхүүгийн хүндрэлийг даван туулсан.
• Баялгийн сангийн реформ: Үндэсний баялгийн сангийн тухай хуулийг батлуулах ажлыг удирдаж, "Хуримтлалын сан"-д 500 тэрбум төгрөг төвлөрүүлэн 10,000 өрхийн ипотекийн санхүүжилтийг шийдвэрлэсэн.
• Стратегийн хэлэлцээр: Францын "Орано майнинг" компанитай хийх хөрөнгө оруулалтын гэрээний Техникийн ажлын хэсгийг ахалж, төслийн санхүүгийн загварчлалыг боловсруулан хэлэлцээрийг амжилттай хийсэн.
• Нийгмийн нөлөөлэл: 2012 оноос хойш төрсөн иргэдэд “Эрдэнэс Тавантолгой” ХК-ийн 1072 хувьцааг эзэмшүүлэх ажлыг зохион байгуулж, байгалийн баялгийн тэгш хуваарилалтыг хангасан.
• Ирээдүйн хөгжил: Уул уурхайн бүтээгдэхүүнийг төрөлжүүлэх зорилгоор газрын ховор элемент, критикал ашигт малтмалын 19 төслийг шинээр эхлүүлсэн.

ЭДИЙН ЗАСАГ, ХӨГЖЛИЙН ЯАМ Дэд сайд (2021 - 2022)

Макро эдийн засгийн бодлого, хөгжлийн төлөвлөлтийг хариуцаж, гадаад секторийн тэнцвэрийг хангах бодлогыг хэрэгжүүлсэн.

• Валютын нөөцийн удирдлага: Гадаад валютын улсын нөөцийг нэмэгдүүлэх Засгийн газрын 362-р тогтоолыг санаачлан батлуулж, экспортыг нэмэгдүүлэх, тээвэр логистикийг сайжруулах ажлыг удирдсан.
• Төсвийн эрсдэлийн удирдлага: Засгийн газрын шийдвэргүйгээр "Офф-тейк" (off-take) гэрээ байгуулахыг хориглож, далд өрийг хязгаарласан.
• Цахим шилжилт: Ашигт малтмалын бүх шат дамжлагыг цахимжуулж (E-barimt), гааль татварын системтэй холбосноор далд эдийн засгийг бууруулж, татварын орлогыг нэмэгдүүлсэн.
• Институцийн хөгжил: Шинэ яамны бүтэц, чиг үүргийг оновчтой тодорхойлж, макро эдийн засгийн төлөвлөлтийн чадавхыг бэхжүүлсэн.

ХӨГЖЛИЙН БАНК / ТӨРИЙН БАНК ТУЗ-ийн Дарга, Гишүүн (2017 - 2021)

Банкны засаглал, эрсдэлийн удирдлага, актив пассивын удирдлагын (ALM) бодлогыг тодорхойлсон.

• Чанаргүй зээлийн удирдлага: Хөгжлийн банкны чанаргүй зээлийг барагдуулах ажлыг эрчимжүүлж, хууль хяналтын байгууллагатай хамтран ажилласнаар эргэн төлөлтийг эрс нэмэгдүүлсэн.
• Санхүүгийн ил тод байдал: Олон улсын аудитын компаниар хөндлөнгийн аудит хийлгэж, санхүүгийн тайлагналыг Олон улсын стандартад (IFRS) нийцүүлсэн.
• Эрсдэлийн удирдлага: Зах зээлийн болон ханшийн эрсдэлийг удирдах, нээлттэй позицийг тэнцвэржүүлэх шинэчлэлийг хийж, банкны ашигт ажиллагааг нэмэгдүүлсэн.

САНГИЙН ЯАМ / ТӨРИЙН ЗАХИРГААНЫ ТӨВ БАЙГУУЛЛАГА Санхүү, төсвийн удирдах албан тушаал (2003 - 2022)

Төрийн санхүүгийн удирдлага (PFM), төсвийн бодлого, өрийн удирдлагын чиглэлээр ажилласан.

• PFM Шинэчлэл: Төрийн сангийн нэгдсэн дансны тогтолцоог бүрэн цахимжуулж, иргэдийн данс руу шууд гүйлгээ хийх боломжийг бүрдүүлсэн.
• Зардлын хяналт: Төрийн албаны цалингийн нэгдсэн системийг нэвтрүүлж, төсвийн урсгал зардлын 20%-ийг эзэлдэг цалингийн санг хяналтад авснаар төсвийн үр ашгийг дээшлүүлсэн.
• Орлогын бодлого: Татварын багц хуулийг шинэчлэн батлуулж, НӨАТ-ын цахим системийг нэвтрүүлснээр татварын бааз суурийг тэлсэн.
• Өрийн удирдлага: Засгийн газрын үнэт цаасыг дахин санхүүжүүлэх (liability management) арга хэмжээг авч, Монгол Улсын зээлжих зэрэглэлийг “В” түвшинд хадгалахад хувь нэмэр оруулсан.