Сүүлийн өдрүүдэд цахим орчин, олон нийтийн сүлжээгээр Таван Богд Группийн ерөнхийлөгч Ц.Баатарсайханы хүүтэй холбоотой асуудал олны анхаарлыг татаж, иргэдийн бухимдлыг өдөөсөн мэдээллүүд хүчтэй тархаж байна. Үүний үр дүнд олон иргэд “Таван Богд Групп”-ийн охин компаниудаар үйлчлүүлэхгүй байхыг уриалж, хариуцлага нэхэх хөдөлгөөнийг өрнүүлжээ.

Таван Богд Группийн бүтэц, нөлөө

Таван Богд Групп нь Монгол Улсын хамгийн том бизнесийн корпорацийн нэг бөгөөд 21 охин компани, 4 хөрөнгө оруулалттай компанитай. Тус группийн охин компаниуд нь автомашин, технологи, зочид буудал, хүнс, худалдаа, банк санхүү зэрэг салбарыг хамарсан өргөн хүрээтэй үйл ажиллагаа явуулдаг.

Тухайлбал:

• “Toyota” автомашины албан ёсны борлуулагч

• “KFC”, “Pizza Hut” зэрэг франчайз ресторанууд

• “Tavan Bogd Foods”, “Tavan Bogd International”, “Zochin Hotel”

• Хамтран эзэмшдэг Хаан банк зэрэг нь нийт иргэдийн өдөр тутмын хэрэгцээтэй нягт холбоотой.

Нийгмийн шаардлага: Ёс зүй ба хариуцлага

Таван Богд Групп одоогоор уг асуудлаар албан ёсны тайлбар хийгээгүй байгаа ч, олон нийтийн зүгээс нээлттэй тайлбар, хариуцлага хүлээлгэхийг шаардаж буй дуу хоолой улам нэмэгдэж байна. Иргэд “ёс зүйн хариуцлага” гэдэг ойлголт зөвхөн хууль зөрчихөд бус, олон нийтийн итгэлийг даах үйлдэл, хандлагыг хамарч байх ёстой гэж үзэж байна.