Сагсан бөмбөгийн Азийн аваргуудын лигийн хагас шигшээ тоглолт өнөөдөр эхэлнэ.

Энэ шатанд Монголын “Хасын Хүлэгүүд”, Индонезын “Пелита Жаяа”, Тайванийн “Нью Тайпэй Кингз”, “Тайюань Пайлотс” шалгарсан. Тэгвэл өнөөдөр 21:00 цагт “Хасын Хүлэгүүд”  Индонезийн багтай тоглох гэж байна. Хожсон баг нь ирэх сарын 7-13-нд АНЭУ-ын Дубай хотод болох шигшээ тэмцээнд Азийн шилдгүүдтэй цомын төлөө өрсөлдөх боломжтой болох юм.

“Хасын Хүлэгүүд”-ийн бүрэлдэхүүнд Б.Барсболд, Ч.Ихбаяр, Э.Саруул-Эрдэнэ, А.Азбаяр, Д.Мөнхтүвшин, М.Цэнгүүн, Э.Эрмүүнзаяа, Э.Түшиг, С.Биндэрьяа, Жорди Тшиманга, Жордан Толберт, Иан Миллер нар багтжээ. Харин О.Сэргэлэн, Б.Билгүүн нар бэртлийн улмаас энэ тоглолтыг өнжих юм байна.

Хагас шигшээгийн тоглолт өнөөдөр, маргааш “М банк Арена”-д болно.