Канад улсын парламентын сонгууль 2025 оны  4-р сарын 28-нд болж, Либерал намын удирдагч Марк Карни ялалт байгууллаа. Гэсэн ч тэд 343 суудал бүхий Төлөөлөгчийн танхимд олонхыг бүрдүүлж чадаагүй тул цөөнхийн Засгийн газар байгуулах төлөвтэй байна.

Сонгуулийн үр дүн: 

• Либерал нам (Марк Карни): 153 суудал, нийт саналын 43.5%
• Консерватив нам (Пьер Пуальевр): 133 суудал, нийт саналын 41.4%
• Квебекийн Блок (Ив-Франсуа Бланше): 21 суудал
• Шинэ Ардчилсан Нам (Жагмит Сингх): 5 суудал
• Ногоон нам: 1 суудал

Энэ удаагийн сонгуулийн гол сэдэв нь АНУ-ын Ерөнхийлөгч Доналд Трампын Канадын эсрэг тавьсан татварын бодлого, улмаар Канадын тусгаар тогтнолыг хамгаалах тухай асуудал байв. Марк Карни “Трамп биднийг бутаргаж, өөрийн болгохыг хүсэж байна” хэмээн мэдэгдэж, үндэсний эв нэгдэл, эдийн засгийн бие даасан байдлыг онцлон тэмдэглэсэн аж.

Марк Карнигийн удирдлага дор Либерал нам Европ, Ази тивтэй хамтын ажиллагаагаа өргөжүүлж, АНУ-аас хамаарал багатай эдийн засгийн бодлого хэрэгжүүлэхээр зорьж байна. Тэрээр шинэ сайд нарын танхимаа хоёр долоо хоногийн дотор бүрдүүлж, татварын бууралт зэрэг амлалтуудаа хэрэгжүүлнэ гэдгээ онцолсон юм.