Монгол Улсын Ерөнхий сайд Г.Занданшатарын УИХ-ын чуулганд хэлсэн үгнээс ОНЦЛОХ НЬ

1. ТӨРИЙН ЗАЛГАМЖ ЧАНАРЫГ ХАНГАНА

• Хамтарсан Засгийн Газрын үйл ажиллагааны хөтөлбөрийг үргэлжлүүлэн хэрэгжүүлж, ололт амжилтыг бататгана

• Стратегийн ач холбогдол бүхий орд эзэмшигч аж ахуйн нэгжүүдтэй хэлэлцээрүүдийг тууштай үргэлжлүүлж, бодит үр дүнд хүргэнэ

• Өмнөх Засгийн Газрын сайн бодлогыг залгамжлан, улс орны язгуур ашиг сонирхолд нийцсэн мега төслүүдийг ач холбогдлоор нь эрэмбэлж, цаг алдалгүй хэрэгжүүлнэ

• Улаанбаатар хотын түгжрэл, агаарын бохирдол зэрэг "архаг" асуудлыг шийдвэрлэх нийслэлийн бодлого, үйл ажиллагааг бүх талаар дэмжинэ.

2. ҮНДЭСНИЙ СӨРӨН ТЭСВЭРЛЭХ ЧАДАВХЫГ БҮХ ТҮВШИНД ТӨЛӨВШҮҮЛНЭ

• Эдийн засгийг тогтворжуулж, иргэдийн орлого, амьжиргааг дэмжих, эрчим хүчний гэнэтийн доголдол зэрэг тулгамдсан асуудлыг яаралтай шийдвэрлэнэ

• Үндэсний аюулгүй байдал, монгол хүний эрх ашигт заналхийлж буй асуудлуудыг эрэмбэлэн, шат дараатайгаар шийдвэрлэнэ.

• Ард иргэд болон аж ахуйн нэгжийн нуруунд дарамт үүсгэхгүйгээр, төр өөрөө зардлаа танаж, бүсээ чангална

• 2025 оны улсын төсөвт хэмнэлтийн тодотгол хийж, төсвийн сахилга бат, ил тод байдал, хариуцлагын тогтолцоог эрс чангатгана

• Төрийн нүсэр бүтцийг цомхон, бүтээмжтэй болгон, “тооноос чанарт” шилжинэ

• Төрийн өмчит аж ахуйн нэгжүүд, чиг үүрэг давхардсан байгууллагууд, үр ашиг муутай сангуудыг цэгцэлнэ.

• Төрийн өмчит компаниудын тоог цөөлж, хувьчлал, засаглалыг сайжруулан, олон нийтийн хяналтад тулгуурласан бүтцийн өөрчлөлт хийнэ.

3. АЖИЛ ОЛГОГЧ, БАЯЛАГ БҮТЭЭГЧДЭЭ ДЭМЖИНЭ

• Татвар, нийгмийн даатгалын сангийн цогц шинэчлэл хийнэ

• ААН-үүдийн татварын ачааллыг бууруулж, шударга, шаталсан татварын тогтолцоог бэхжүүлнэ

• Татварын бааз суурийг өргөтгөж, эдийн засаг дахь хувийн хэвшлийн оролцоог нэмэгдүүлнэ

• Төрийн зарим чиг үүргийг мэргэжлийн холбоод, хувийн хэвшилд шилжүүлнэ

• Жижиг, дунд бизнес эрхлэгчдийг дэмжиж, инновац, бүтээмжийг нэмэгдүүлэх эрх зүйн шинэчлэл хийнэ

• Бизнесийн орчны хүндрэл, чирэгдлийг арилгана.

4. ХҮНИЙ ХӨГЖИЛ — ХАМГИЙН ТОМ МЕГА ТӨСӨЛ

• Чадварлаг, бүтээмжтэй, эрүүл, дэлхийд өрсөлдөх чадвартай монгол хүнийг хөгжүүлэх зорилт дэвшүүлнэ

• Боловсрол, эрүүл мэнд, нийгмийн хамгааллын цогц шинэчлэлийг эрчимжүүлнэ

• Бүтээмж, гүйцэтгэлд суурилсан цалин хөлсний бодлого нэвтрүүлнэ

• Халамжийн системд шинэчлэл хийн, хамгийн сайн халамж бол хөдөлмөр эрхлэлт гэсэн зарчмыг баримтална

• Тэтгэврийн тогтолцооны шинэчлэлийг эрчимжүүлж, нийгмийн даатгалын санг ил тод, шударга, мэргэжлийн менежменттэй болгоно

• “Үндэсний баялгийн сан”-ийн тухай хуулийг хэрэгжүүлж, “Баялагтаа эзэн Монгол” зорилтыг хэрэгжүүлнэ.

5. ҮНЭНЭЭ ХЭЛДЭГ, ИЛ ТОД ЗАСАГ БАЙНА

• Хууль дээдлэх, ёс зүй, хариуцлагыг эрхэмлэх зарчмыг дээд түвшнээс эхлүүлнэ

• Ард иргэд, иргэний нийгэм, хэвлэл мэдээллийн хяналт, оролцоог дэмжинэ

• Авлигаас ангид, ард түмнээсээ зугтаадаггүй, эрх мэдлийн ард нуугддаггүй, “үнэнээ хэлдэг” засаг байна

• Алдаа дутагдалд цаг тухайд нь хариуцлага тооцдог тогтолцоог баримтална

• Асуудлыг ерөнхийлж бөөрөнхийлөхгүй, улс төржилт, талцалгүй ажиллана.

6. ОЛОН УЛСАД МОНГОЛЫН НЭР ХҮНДИЙГ БЭХЖҮҮЛНЭ

• Гадаад харилцааны ололтыг бататгаж, бүс нутгийн болон олон улсын тавцанд Монгол Улсын байр суурийг ахиулна

• Гадаадын хөрөнгө оруулалтыг тууштай дэмжиж, үндэсний язгуур ашиг сонирхлыг нэн тэргүүнд тавина

• Монгол Улсыг сайн хөрш, найдвартай түнш, итгэл даах хамтрагч гэдэг нэр хүндийг олон улсад бататгана.

7. “DIGITAL FIRST” — ЦАХИМ ШИЛЖИЛТИЙГ ЭРХЭМЛЭНЭ

• Төрийн бүх ажил, үйлчилгээг цахимд шилжүүлж, бүтээмж нэмэгдүүлсэн, хөдөлмөр хөнгөвчилсөн, инновац шингэсэн шийдлийг урамшуулна.

8. ЭВИЙГ ЭРХЭМЛЭДЭГ ЗАСГИЙН ГАЗАР

• Улс төрийн зөрчил, намын ялгааг үл харгалзан Монголын ирээдүйн төлөө эв нэгдэлтэй ажиллана

• “Нэг Монгол, нэг гэр бүл, нэг ард түмэн” гэсэн ухамсартайгаар хүчирхэг Монголыг хамтдаа бүтээнэ.