Засгийн газраас ахмад настнуудын туршлага, мэдлэгийг нийгэмд үр өгөөжтэй ашиглах, тэднийг эргэн хөдөлмөрийн зах зээлд оролцоход нь дэмжлэг үзүүлэх зорилгоор "Ахмадын хөдөлмөр эрхлэлтийг дэмжих" хөтөлбөрийг эрчимжүүлж байна. Энэхүү хөтөлбөрийн хүрээнд ахмадуудад санхүүгийн бодит дэмжлэг үзүүлэхээр болжээ.

Санхүүжилтийн нөхцөл ба боломжууд

Хөтөлбөрийн гол онцлог нь ахмад настнууд өөрсдийн хуримтлуулсан туршлагаа залуу үед өвлүүлэх замаар ажлын байр бий болгохыг дэмжихэд оршиж байна.

Зээлийн хэмжээ: Нэг ахмадад 15-17 сая төгрөг хүртэлх санхүүгийн дэмжлэг олгоно.

Зээлийн хүү: Огт хүүгүй буюу 0%-ийн хүүтэй.

Хугацаа: 3 жилийн хугацаатайгаар олгогдоно.

Зээл авах хүсэлтэй ахмадуудад арилжааны банкны систем шиг өндөр шалгуур тавихгүй бөгөөд Хөдөлмөр халамж үйлчилгээний ерөнхий газар болон харьяа агентлагуудаар дамжуулан сонгон шалгаруулалтыг зохион байгуулна.

Т.Аубакир: Бид залуучуудыг ажлын байртай болгож, тэднийг сургах чин эрмэлзэлтэй, өөрийн гэсэн туршлагатай ахмадуудаа дэмжих зорилготой. Оёдолчин, дархан, мужаан зэрэг гар урлал болон бусад чиглэлээр үйл ажиллагаа явуулж буй ахмадууд маань энэ зээлд хамрагдах боломжтой

Хүлээгдэж буй үр дүн

Энэ онд уг хөтөлбөрт зориулж нийт 17 тэрбум төгрөгийг төсөвт суулгасан байна. Үүний үр дүнд:

• Улсын хэмжээнд 3300 орчим ахмад настныг хөдөлмөр эрхлэлтийн дэмжлэгт хамруулна.

• Ахмадууд өөрсдийн ажлын байран дээрээ дор хаяж хоёр залууг дагалдуулан сургаж, шинэ ажлын байр бий болгоно.

Энэхүү арга хэмжээ нь ахмадуудын нийгмийн идэвхийг нэмэгдүүлээд зогсохгүй, үндэсний өв соёл, мэргэжлийн ур чадварыг залуу үедээ өвлүүлэн үлдээх чухал алхам болох юм.