Монголын “Хилчин” спорт клубийн тамирчин, волейболын спортын дэд мастер Сансарбатын Тэмүүлэн Америкийн Нэгдсэн Улсын нэр хүндтэй Towson University-ийн волейболын багт элсэж, албан ёсны гэрээ байгууллаа. Тэрээр тус сургуулийн эмэгтэйчүүдийн волейболын “Tigers” багт 2025 оны улирлаас эхлэн тоглох юм.

С.Тэмүүлэн нь Улаанбаатар хотын New Era олон улсын сургуулийг төгссөн бөгөөд Монгол Улсын Их Сургуулийн магистрын зэрэгтэй. Тэрээр 2022–2023 онд “Хөвсгөл Эрчим” клубт, 2023–2025 онд “Хилчин” клубт тоглосон бөгөөд Монгол Улсын үндэсний шигшээ багийн бүрэлдэхүүнд багтаж, Азийн аварга шалгаруулах тэмцээн болон AVC Champions League зэрэг олон улсын тэмцээнд амжилттай оролцож байжээ.

Towson их сургууль нь АНУ-ын NCAA Division I буюу хамгийн өндөр түвшний спортын ангилалд багтдаг бөгөөд Coastal Athletic Association (CAA) холбоонд хамаардаг нэр хүндтэй сургууль юм. Тус сургуулийн волейболын баг 2024 оны улиралд 24 хожил, 6 хожигдолтой дүн үзүүлж, CAA холбооны хагас шигшээд шалгарч байсан.

Тэмүүлэн “middle blocker” буюу голын хаагчийн байрлалд тоглодог бөгөөд 183 см өндөртэй. Түүний блок хийх чадвар, довтлох хурд, хөдөлгөөний уян хатан байдал нь багийн шинэ дасгалжуулагчдын анхаарлыг татаж, түүнд итгэл хүлээлгэх үндэс болсон байна.

🏐 Багийн шинэ улирлын бүрэлдэхүүнд багтсан цорын ганц Монгол оюутан

2025 онд Towson University нийт 9 шинэ тоглогч авсан бөгөөд тэдний дунд анхны Монгол тоглогчоор С.Тэмүүлэн элссээд байгаа  нь энэ. Энэхүү амжилт нь залуу үеийнхэнд спорт, боловсрол хоёрыг хослуулан хөгжих боломж хэр өргөн байгааг харуулж байна.

✨ Хувийн мэдээлэл