Энхтайваны өргөн чөлөөний засвар шинэчлэлтийн ажил үргэлжилж байна. Энэ хүрээнд нийслэлийн Баянгол дүүргийн хоёрдугаар хороо буюу Төмөр замын дээд сургуулийн уулзвараас Гранд Плазагийн уулзвар хүртэлх авто замын зорчих хэсгийн суурь солих ажил өнөөдөр эхлэнэ.

Тодруулбал, өнөөдөр буюу дөрөвдүгээр сарын 28-наас тавдугаар сарын 4-ний өдрүүдэд  22:00-06:00 цагийн хооронд буюу шөнийн цагаар авто замын хөдөлгөөнийг хаах юм. Харин өдрийн цагаар тээврийн хэрэгслийн хөдөлгөөн хэвийн үргэлжилнэ.

Иймд иргэд, жолооч та бүхэн шөнийн цагаар бусад замыг сонгон хөдөлгөөнд оролцохыг Нийслэлийн замын хөгжлийн газраас анхаарууллаа.